السلام عليكم ورحمة الله و بركاته
أهلا بيكم
من كام يوم كده كنت بقرأ مقال للدكتور المعتزبالله عبدالفتاح -الأستاذ المساعد بكلية الإقتصاد و العلوم السياسية بجامعة القاهرة- الدكتور معتز من الناس اللي سمعتهم قليل في التحليل السياسي و أسلوبه ممتاز فعلا و قرأت له اكثر من مقال تفكيره مرتب و أفكاره جيدة
عمل جروب ليه علي الفيس بوك بعنوان : "لماذا نتخلف و يتقدم غيرنا ؟" مبادرة جيدة الحقيقة من أستاذ جامعي إنه يحاول يتفاعل مع طبقات مختلفة من المجتمع و خاصة الشباب ...
و علي موقعه بدأ مشروع مسميه "دعوة للقراءة وللتفكير" المشروع عبارة عن سلسلة تسجيلات صوتية تهدف إلي تحليل و مناقشة أهم الكتابات العربية لكبار المفكرين و هوا كبداية إختار 3 مفكرين و هم : الأستاذ عباس محمود العقاد و الشيخ محمد الغزالي و الدكتور ذكي نجيب محمود ...
و دي بداية السلسلة بتتكلم عن القراءة و عن فكرة المشروع و أهميته .
و دا إيميل : moataz222@gmail.com خاص بالمشروع علشان اللي عنده أي إقتراح أو تصحيح أو مشاركة
بتمني أن يحذو الكثير من مثقفينا و أساتذتنا حذو الدكتور لينشروا ما لديهم من علم و فكر بين الناس ...
هناك ٦ تعليقات:
فكرة حقيقى جميله
محتاجين نفعلها ونشترك فيها كلنا وانا ابدا
جميل والله
فعلا انا اعرف واحد ما شاء الله عقله جامد سياسيا ً وهو استاذ جامعي
دايما ًلما اتصل اطمن عليه او يطمن عليا يقولى بتقرأ ايه دلوقتى ؟!
ودايما توصيته ليا بمواصلة القراءة
والاهم اننا محتاجين منهجية للقراءة تتناول كل الرؤى والافكار المختلفة .
تحياتي ،،،
ادعو حضرتك انك تشوف البوست الاخير وتقول رائيك
و خير جليس فى الزمان كتاب
كدا و بتاع
أكيد إنتشار القراءة كعادة مهم جداً و أحد العوامل علي التقدم
بنت أبيها
أوكي
حور الجنه
شكراً علي المرور
إرسال تعليق